തൃശ്ശൂരിൽ അൻപതോളം യൂത്ത് കോൺഗ്രസ് പ്രവർത്തകർ ബിജെപിയിൽ ചേർന്നു. മുരളി മന്ദിറിൽ വച്ചായിരുന്നു അംഗത്വം സ്വീകരിച്ചത്. പത്മജ വേണുഗോപാലിൻ്റെ നേതൃത്വത്തിലാണ് കോൺഗ്രസ് പ്രവർത്തകർ ബിജെപിയിലെത്തിയത്. ബിജെപിയുടെ സംസ്ഥാന നേതാക്കളും മുരളി മന്ദിരത്തിലെത്തി.
ഇതാദ്യമായാണ് കെ കരുണാകരൻ്റെ വീട് ബിജെപി പരിപാടിക്ക് വേദിയാകുന്നത്. ലോക്‌സഭാ തിരഞ്ഞെടുപ്പ് അടുത്തിരിക്കെ പ്രവർത്തകർ കൂട്ടത്തോടെ ബിജെപിയിലേക്ക് ചേക്കേറിയാൽ അത് കോൺഗ്രസിന് തിരിച്ചടിയാകും. കോൺഗ്രസ് വിട്ടവരെ ബിജെപിയിലേക്ക് സ്വീകരിച്ചത് പത്മജ വേണുഗോപാലാണ്. മുരളീ മന്ദിരത്തിൽ നടന്ന പരിപാടിയിലാണ് പത്മജ വേണുഗോപാൽ കോൺഗ്രസിനെ രൂക്ഷമായി വിമർശിച്ചത്.
ഇതൊരു തുടക്കം മാത്രമാണെന്നും കൂടുതൽ പേരെ ബിജെപിയിലേക്ക് കൊണ്ടുവരുമെന്നും പത്മജ വേണുഗോപാൽ പറഞ്ഞു. കോൺഗ്രസിന് ഇന്ന് ഇല്ലാത്തത് സ്ത്രീകളോടുള്ള ബഹുമാനമാണ്, അത് ബിജെപിക്ക് ഉണ്ട്. മോദിജിയോടുള്ള ആരാധന കൊണ്ടാണ് താൻ ബിജെപിയിൽ ചേർന്നതെന്ന് പത്മജ പറഞ്ഞു.
