നന്തൻകോട് വനിതാ ഹോസ്റ്റലിൽ അതിക്രമിച്ച് കയറി പെൺകുട്ടികളുടെ ദൃശ്യങ്ങൾ പകർത്താൻ ശ്രമിച്ച യുവാവ് അറസ്റ്റിൽ. നന്തൻകോട് സ്വദേശി അനിൽദാസി(37)നെയാണ് തിങ്കളാഴ്ച പൊലീസ് അറസ്റ്റ് ചെയ്തത്. ഇന്നലെ രാത്രി ഹോസ്റ്റലിൽ അതിക്രമിച്ചു കയറി പെൺകുട്ടികളുടെ ചിത്രങ്ങൾ പകർത്താൻ ശ്രമിച്ചു.
ഹോസ്റ്റൽ കെട്ടിടത്തിൻ്റെ എയർഹോളിലൂടെ പ്രതി മൊബൈൽ ഫോൺ വഴിയാണ് ദൃശ്യങ്ങൾ പകർത്താൻ ശ്രമിച്ചത്. ഇത് ശ്രദ്ധയിൽപ്പെട്ട പെൺകുട്ടികൾ പോലീസിൽ വിവരമറിയിക്കുകയായിരുന്നു. പോലീസ് നടത്തിയ അന്വേഷണത്തിലാണ് പ്രതി പിടിയിലായത്.
