അലക്‌സയുടെ സഹായത്തോടെ കുരങ്ങിൻ്റെ ആക്രമണത്തിൽ നിന്ന് പിഞ്ചുകുഞ്ഞിനെ രക്ഷിച്ച പെൺകുട്ടിക്ക് ആനന്ദ് മഹീന്ദ്ര ജോലി വാഗ്ദാനം ചെയ്തു. ഉത്തർപ്രദേശിലെ ലഖ്‌നൗവിൽ നിന്നുള്ള നികിത പാണ്ഡെ എന്ന 13 വയസ്സുകാരിയാണ് വെർച്വൽ വോയ്‌സ് അസിസ്റ്റൻ്റ് അലക്‌സയുടെ സഹായത്തോടെ തന്നെയും സഹോദരിയെയും രക്ഷിച്ചത്.
വീടിനുള്ളിൽ കയറിയ കുരങ്ങൻ ഇരുവരെയും ആക്രമിക്കാൻ ശ്രമിച്ചെങ്കിലും നികിത ധൈര്യം കൈവിടാതെ നായ കുരയ്ക്കുന്ന ശബ്ദം കേൾക്കാൻ അലക്സയോട് ആവശ്യപ്പെട്ടു. അലക്‌സാ ഉടൻ തന്നെ നായയുടെ ശബ്ദം ഉണ്ടാക്കി. ഇത് കേട്ട് കുരങ്ങൻ പേടിച്ച് വീടിന് പുറത്തേക്ക് ഓടി.
നാം സാങ്കേതികവിദ്യയുടെ അടിമകളാണോ അതോ യജമാനന്മാരാണോ എന്നതാണ് ഇക്കാലത്തെ പ്രധാന ചോദ്യം. സാങ്കേതിക വിദ്യയെ നിയന്ത്രിക്കാൻ നമ്മൾ പ്രാപ്തരാണെന്ന് ഉറപ്പ് നൽകുന്നതാണ് ഈ ദൃശ്യങ്ങൾ. ഈ പെൺകുട്ടിയുടെ പെട്ടെന്നുള്ള ചിന്ത അസാധാരണമാണ്, മനുഷ്യൻ്റെ കഴിവ് ഗംഭീരമാണ്.
മഹീന്ദ്ര പെൺകുട്ടിയെ പ്രശംസിക്കുകയും കുട്ടി വിദ്യാഭ്യാസം പൂർത്തിയാക്കി ഭാവിയിൽ മഹീന്ദ്ര കമ്പനിയിൽ ചേരണമെന്ന് വാഗ്ദാനം ചെയ്യുകയും ചെയ്തു. താൻ പത്താം ക്ലാസ് പരീക്ഷ എഴുതിയതേയുള്ളൂവെന്നും ഭാവിയിൽ മഹീന്ദ്രയുമായി ചേർന്ന് പ്രവർത്തിക്കാൻ ആഗ്രഹിക്കുന്നുവെന്നും നികിത പറഞ്ഞു.
